Dreginn hefur verið út sigurvegari í Reynsluakstursleik Chevrolet á Íslandi, sem Bílabúð Benna stóð fyrir, frá 29. maí til 18. júní sl.  Rúmlega þúsund manns komu í sýningarsal Chevrolet á Tangarhöfða og komust í vinningspottinn með því að reynsluaka nýjum Chevrolet að eigin vali.  Heppinn vinningshafi var dreginn út í beinni á Bylgjunni og hlaut afnot af glænýjum Chevrolet Spark í sex mánuði.

Á laugardaginn fór fram "Hola í höggi" keppni Bílabúðar Benna og Fitness Sport, engum tókst þó að vinna sér inn bílinn í þetta skiptið.  Slegið var af 13. holunni á Urriðavellinum eftir forkeppni um morguninn þar sem tólf keppendur komust áfram úr vippkeppni. Þeir fengu svo tækifæri til að slá af hvítum teig á 13. holunni í von um að fara holu í höggi og vinna sér inn Porsche Cayenne Diesel.

Í dag, föstudaginn 25.júní hófst þriðja mót Eimskipa- mótaraðarinnar, Canon mótið, og stendur fram á sunnudaginn 27. júní.   Á laugardeginum 26. júní, munu Fitness Sport, Golfsamband Íslands og Bílabúð Benna standa fyrir “hola í höggi” keppni.