Afmæli Porsche 911

Fjöldi fólks lagði leið sína í Porsche salinn hjá Bílabúð Benna um helgina, þegar haldið var upp á 50 ára afmæli Porsche 911 sportbílsins með glæsibrag. „Þetta var ánægjulegur dagur í alla staði og gestir okkar, sem skiptu hundruðum, nutu þess að skoða allar útgáfurnar af Porsche 911 sem raðað hafði verið upp á staðnum og endurspegluðu hálfrar aldar hönnunarsögu þessa frægasta sportbíls í heimi.

Fjölmargir nýttu líka tækifærið til að skoða aðra Porsche bíla sem voru til sýnis, m.a. fjölskyldu- og sportjeppann Porsche Cayenne og Cayman, sem var valinn sportbíll heimsins á þessu ári,“ segir Thomas Már Gregers, sölustjóri Porsche hjá Bílabúð Benna um afmælissýninguna.