Vann drulluflottan Spark

skrifað miðvikudagur, 10. september, 2014
Spark-KarenSpark-Karen

Rás 2 stóð fyrir drullumögnuðum leik samhliða Mýrarboltamótinu á Ísafirði um verslunarmannahelgina í sumar. Í fyrstu verðlaun voru frí afnot, í þrjá mánuði, af drulluflottum Chevrolet Spark frá Bílabúð Benna. Dregið var úr nöfnum þeirra sem skráðu sig í leikinn. Að þessu sinni var það Baldvina Karen Gísladóttir sem hreppti hnossið og fékk hún Sparkinn afhentan í Chevrolet salnum nú á dögunum.

Karen býr á Ísafirði og starfar sem “Tour operator” hjá Vesturferðum. Hún segist vera mikil bíla- og mótorhjólakerling og státar m.a. af Íslandsmeistaratitlum í kvartmílu í 600 CC flokki mótorhjóla. Þó að Sparkinn sé drulluöflugur sagðist Karen ætla að nota hann eingöngu á þjóðvegum landsins, enda í nógu að snúast.