Nýr Malibu á Bókamessu í Ráðhúsinu

skrifað mánudagur, 19. nóvember, 2012
malibu_3malibu_3

Það var mikið um dýrðir á Bókamessu sem haldin var í Ráðhúsi Reykjavíkur um helgina. Bókaútgefendur kynntu nýjustu afurðir sínar fyrir gestum og gangandi, sem sjá fram á fjölbreytt og gefandi bókajól. Í þeim hópi er bókin Bílar í máli og myndum, sem kemur út hjá JPV útgáfu/Forlaginu.

Hún er stórskemmtileg og fræðandi og leiðir okkur í gegnum sögu þessa merkilega farartækis, sem umbylti 20. öldinni. Í henni er fjallað um ríflega 1200 bíla af öllum stærðum og gerðum. Chevrolet á stóran þátt í þróun bílsins og því þótti tilvalið að láta nýjan Malibu taka á móti sýningargestum við inngang Ráðhúsins. Hann sómdi sér vel og bar framleiðendum sínum gott vitni.

malibu_1 malibu_2