Porsche Cayenne

Cayenne Diesel er með 3,0 lítra, V6 vél sem er í senn aflmikil og þýðgeng. Það er varla að það heyrist að það sé dísilvél sem knýr þennan bíl áfram, svo lágvær er hún. Það finnst hins vegar á toginu sem virðist alveg endalaust. Vélin skilar 262 hestöflum, sem þykir kannski ekki mikið á mælikvarða Porsche, en hámarkstog er 580 Nm. Það er því ljóst á þessum tölum að Cayenne Diesel er dugnaðarforkur sem hentar til margvíslegra nota en er um leið þægilegur í öllum venjulegum borgarakstri vegna þýðleika vélarinnar. Hröðunin úr kyrrstöðu í 100 km hraða er í raun ótrúleg fyrir þetta stóran dísilbíl; 7,3 sekúndur en var í fyrri gerð 8,3 sekúndur og það munar um minna.
Cayenne Diesel er með 100 lítra eldsneytistank. Uppgefnar tölur í blönduðum akstri eru 6,0 lítrar á hundraðið sem þýðir ökudrægi upp á rúma 1.500 km.