Áslaug vann í Toyo leiknum.

skrifað miðvikudagur, 5. nóvember, 2014
Áslaug vann í Toyo leiknum.

Bílabúð Benna, Nesdekk og Bylgjan stóðu að Toyo leiknum á Facebook í haust og leyndi sér ekki á þátttökunni að Toyo harðskeljadekkin njóta mikils trausts á meðal Íslendinga.

Hátt í tvö þúsund manns freistuðu gæfunnar og voru þrír aukavinningar dregnir út daglega samfleytt í tíu daga og hlutu þeir heppnu ókeypis umfelgun. Aðalvinningurinn var svo dreginn út um síðustu mánaðarmót og upp úr pottinum kom nafn Áslaugar Lilju Káradóttur.

Það er óhætt að segja að vinningurinn hafi lent á besta stað því að Áslaug stóð frammi fyrir dekkjakaupum fyrir veturinn. Við hjá Bílabúð Benna óskum Áslaugu og fjölskyldu til hamingju með nýju harðskeljadekkin og sendum bestu kveðjur til allra þátttakenda í Toyo leiknum.