Porsche Taycan

Taycan – tímalaus og einstakur

Bylting hefur átt sér stað í bílaheiminum. Taycan er sönnun þess að Porsche DNA-ið hefur verið tekið inn á nýjar rafmagnaðar brautir, sem eru í senn tímalausar og einstakar. Hér er á ferðinni ekta Porsche sem fer fram úr væntingum kröfuhörðustu rafbílaeigenda þegar afl, drægni og þægilegur hleðslutími eru annars vegar.

Taycan - rafmögnuð gæsahúð.

Arfleið Porsche endurspeglast í Taycan í formi kraftsins og akstursánægjunnar. Við þróun á rafbílnum Taycan setti Porsche sér háleitt markmið; að framleiða 100% rafmagnsbíl með eiginleikum sem sköruðu fram úr öllum þeim rafbílum sem voru í boði á markaðnum. Sérstaða Taycan felst í mörgum þáttum sem m.a. byggja á nýrri rafvélatækni sem Porsche hefur þróað og lýsir sér í því, í mjög grófum dráttum, að tveir mótorar sjá um að endurnýja aflið í sífellu. Þannig nær Taycan að viðhalda hámarks hröðun, allan tímann, án þess að tapa niður afli og afköstum. En það er einmitt akkilesarhæll annarra rafbíla. Taycan Turbo S, var afhjúpaður á bílasýningunni í Frankfurt. Sá rafbíll er heil 761 hestöfl og nær að skutlast í hundraðið á litlum 2,8 sekúndum. Til gamans má geta þess að hröðunin í 1,2g upptakinu (viðbragðinu) skákar þyngdaraflinu á fyrstu metrunum, en ef það er sett í annað samhengi, má segja að hraðinn sé meiri en fallhlífarstökkvari í frjálsu falli. Það er svo sem ekki nýtt að Porsche framkalli gæsahúð á ökumönnum, en í Taycan er hún rafmögnuð.