Nýr Cayenne mættur í salinn

Bílabúð Benna frumsýnir nýjan Porsche Cayenne. Hér kynnum við til sögunnar spennandi breytingar á hinum eina sanna Cayenne.

Má þar fyrst nefna sportlegar útlitsbreytingar sem birtast m.a. í stærra grilli í ætt við Macan sportjeppann og stórglæsileg Bi-Xenon framljós, ásamt nýjum afturljósum.

Hvað varðar kraftinn - þá liggur stærsta breytingin á Cayenne Diesel í nýrri og öflugri 262 hestafla dísilvél með 580 Nm togi sem skilar bílnum í 100 km hraða á 7,3 sekúndum þrátt fyrir að eyða aðeins 6,6 l á 100 km.

Nýr Cayenne Turbo er enn öflugri en áður eða heil 520 hestöfl og einungis 4,4 sekúndur í hundraðið. Heilt yfir hefur tekist að minnka eyðsluna og útblásturinn umtalsvert í öllum nýjum Cayenne. Við hvetjum alla til að kíkja í Porsche-salinn milli kl. 12:00 til 16:00 á laugardaginn eða seinna ef betur hentar.