300 hestafla 4x4 Plug-in Hybrid frumsýndur

Bílabúð Benna hefur fagnað 45 ára afmæli sínu í sumar með fjölbreyttum viðburðum, frumsýningum og tilboðum. Og fyrirtækið er hvergi nærri hætt að halda upp á áfangann.

Nú berast þau tíðindi úr Krókhálsinum að flaggskip Opel sportjeppanna, Opel Grandland X, sé að koma til landsins í Plug-in Hybrid útgáfu og verði frumsýndur um helgina.

Opel Grandland Plug-in Hybrid útgáfan býður upp á magnaða tengiltvinn eiginleika sem birtast í 300 hestöflum, fjórhjóladrifi og drægni allt upp í 59 km á rafmagni einu saman. Hann mun líka verða fáanlegur framdrifinn og eru hvoru tveggja búnir 8 gíra sjálfskiptingu.

Að sögn Benedikts Eyjólfssonar hjá Bílabúð Benna er Grandland Plug-in Hybrid einstaklega rúmgóður bæði frammí og afturí auk þess sem farangursrýmið er mjög rúmgott. „Eitt það athyglisverðasta við þennan eðal sportjeppa er það að hér hefur Opel tekist að ná heilum 300 hestöflum út úr Hybrid vél. Og það skilar sér svo sannarlega á vegum úti, enda hrein akstursupplifun að aka honum; krafturinn, upptakturinn, mýktin og bara allt. Þetta er hreint út sagt stórkostlegur bíll í alla staði,“ segir Benedikt.

Nýr Opel Grandland X verður frumsýndur í sýningarsal Opel Krókhálsi 9,
laugardaginn 22. ágúst, klukkan 12-16.