45 Chevrolet Spark í heimahjúkrun

Heilsugæsla höfuðborgarsvæðisins hefur gert samning við Bílabúð Benna um rekstrarleigu á 3 bifreiðum af gerðinni Chevrolet Spark til 3ja ára. Eru það væntanlega aðeins fyrstu bílarnir af um það bil 45 bifreiðum sem Heilsugæslan mun þurfa á að halda í rekstrarleigu á þessu ári

Bílarnir verða notaðir til vitjana í heimahjúkrun og ungbarnavernd á vegum Heilsugæslunnar á höfuðborgarsvæðinu. Markmið heimahjúkrunar er að gera þeim sem þjónustunnar njóta kleift að búa heima við sem eðlilegastar aðstæður þrátt fyrir veikindi eða heilsubrest. Starfsfólk Bílabúðar Benna efast ekki um að Chevrolet Spark eigi eftir að reynast vel í því þakkláta starfi.

Myndatexti:
Jóhann Berg Þorgeirsson sölufulltrúi hjá Bílabúð Benna afhendir Birnu Bjarnadóttur, deildarstjóra hjá Heilsugæslu höfuðborgarsvæðisins, fyrstu Chevrolet Spark bílana af þeim 45 sem samið hefur verið um.