Benni lækkar verð á nýjum bílum

Í ljósi þess að íslenska krónan hefur styrkst verulega undanfarna mánuði hefur Bílabúð Benna ákveðið að lækka verð á nýjum bílum frá Porsche og KGM

Verðlækkunin tekur gildi strax og nær til nýrra bíla í sölu hjá fyrirtækinu.

„Við teljum það bæði eðlilegt og mikilvægt að styrking krónunnar skili sér beint til viðskiptavina,“ segir Benedikt Eyjólfsson, forstjóri Bílabúðar Benna. „Við höfum alltaf lagt áherslu á gagnsæi og sanngirni í verðlagningu og með þessari aðgerð viljum við sýna ábyrgð og bregðast við röddum neytenda.“

Verðlækkunin nær til nýrra bíla frá Porsche og KGM, hvort sem um ræðir sportbíla, fjölskyldubíla eða rafbíla. Bílabúð Benna býður nú sérstaklega hagstæð kjör fyrir alla sem hyggja á bílakaup og hvetur fólk til að kynna sér úrvalið í sýningarsalnum eða hér á vefnum.

Porsche https://porsche.is/

KGM https:/kgm.benni.is/