Bílar og Dekk þjónustuaðili Chevrolet á Akranesi

skrifað fimmtudagur, 20. júní, 2013
bilar_og_dekkbilar_og_dekk

Bílar og Dekk á Akranesi eru komnir í hóp viðurkenndra þjónustuaðila Chevrolet á landsbyggðinni. Starfsmenn frá Bílabúð Benna og fyrirtækinu handsöluðu nýverið samning þar að lútandi. „Þetta kemur á besta tíma, við erum nýlega komnir með fullkomna bilanagreiningu og höfum því tök á að veita Chevrolet eigendum á svæðinu og ferðamönnum ennþá betri þjónustu í framtíðinni,“ segja þeir Óskar Rafn Þorsteinsson og Ólafur Eyberg Rósantsson eigendur Bíla og Dekk.

“Við höfum átt mjög gott samstarf við Bíla og Dekk undanfarin ár og fögnum þessum nýja áfanga“, segir Jóhannes Egilsson, þjónustustjóri hjá Bílabúð Benna. „Þetta er liður í að þétta þjónustunetið okkar fyrir Chevrolet eigendur, en þeim hefur fjölgað hratt undanfarin ár.“ Bílar og Dekk eru einnig umboðsaðilar fyrir dekk frá Bílabúð Benna, s.s. Toyo, PFGoodrich, Interstate og Maxxis.