PORSCHE MENNING Í 70 ÁR.

Sportbílasýning og framandi tónar í Brimhúsinu Miðbakka á Menningarnótt frá kl. 13:00 - 19:00.

Menningin hefur mörg andlit og eitt af þeim er Porsche.

Í tilefni 70 ára afmælis sportbílaframleiðslu Porsche stendur Porsche klúbburinn á Íslandi fyrir glæsilegri sýningu á tugum sportbíla á Menningarnótt í dag. Til sýnis verða fágæt eintök af Porsche sem endurspegla jafnt gamla sem nýja tíma í sögu metnaðarfyllsta sportbílaframleiðanda heims.

Porsche sportbílasýningin fer fram í Brimhúsinu við Geirsgötu frá kl. 13:00 til 19:00. Í takt við tilefnið bjóða listamenn uppá einstaka tónlistargjörninga.

Kl. 14:00: Bankað upp á bílinn. Slagverksmeistarinn Helgi Svavar Helgason magnar upp eggjandi takta á húdd, þak og felgur virðulegrar Porsche bifreiðar. Helgi Svavar fremur sína fágætu list kl. 14:00, 14:15 og 14:30.

Kl. 15:30: Högninn og holað innan tré. Tónlistarmaðurinn Högni Egilsson tekur sér víólu í fang og seiðir fram töfrandi tóna sem hann blandar sinni eigin himnesku söngrödd.

Allir hjartanlega velkomnir.