Gúmmí og grill í nýjum dekkjalager BB

Dekkjavertíð sumarsins er í uppsiglingu og nýlega tók Bílabúð Benna í notkun nýjan dekkjalager að Klettagörðum 21. Af því tilefni bauð Dekkjadeild Bílabúðar Benna starfsmönnum á hjólbarðaverkstæðum á Stór-Reykjavíkursvæðinu, sem eru í viðskiptum við Bílabúð Benna, til grillveislu fimmtudagskvöldið 21. mars.

Jafnframt stóð verslun Bílabúðar Benna fyrir kynningu á vörum sem henta hjólbarðaverkstæðum sem bjóða upp á smáviðgerðir. Mikil stemning var ríkjandi hjá boðsgestum sem fjölmenntu í „gúmmígrillið“ og tóku vel á því.