Heimsfrumsýning á Opel Astra

"Opel Astra er risastökk fyrir bíl í millistærðarflokki með tilliti til afls, tæknibúnaðar og sportlegs útlits,“

segir Dr. Karl-Thomas Neumann, forstjóri Opel í Þýskalandi, þegar hann skýrði frá væntanlegri heimsfrumsýningu á nýjum Opel Astra, á alþjóðlegu bílasýningunni í Frankfurt, 15. september nk. Þar mun Neumann afhjúpa glænýjan Opel Astra, sem verður eitt aðal trompið frá þýska bílarisanum á sýningunni.

Meðal skemmtilegra nýjunga sem Opel mun kynna í bílnum eru nuddsæti, Opel On-Star upplýsingakerfi og ný háþróuð Led framljós. Opel hefur tekist að létta bílinn um 200 kg og er ný Astra rúmmeiri en forverinn þó hún sé 5 cm styttri.

Allar vélarnar, bæði bensín og dísel, sem í boði verða í Astra eru nýjar, menga lítið og eyða litlu.

Ljóst er að nýr Opel Astra mun verða tákn nýrrar kynslóðar í flokki millistærðarbíla frá Opel sem eigi jafnvel eftir að hrista upp í lúxusbílamarkaðnum. Ný Astra verður fáanleg fljótlega eftir áramót.