Malibu er kominn aftur

Bandaríkjamenn hafa haft Chevrolet Malibu í hávegum í meira en fjóra áratugi og þeir eru vafalaust margir á Íslandi sem eiga ljúfar minningar tengdar þeim bíl. En goðsögnin lifir, því nú er hann kominn aftur á Evrópumarkað í glænýrri útgáfu og öllu tjaldað til. „Með nýjum Malibu höfum við hannað farartæki sem stendur fyrir kjarnanum í bandarískri akstursupplifun:

Rúmgóðan bíl, sem einkennist af kraftalegum línum og skartar lúxusinnréttingu í hæsta gæðaflokki,“ segir Ed Welburn, aðstoðarforstjóri alþjóðlegrar hönnunar hjá Chevrolet. Bílagagnrýnendur hafa tekið Malibu fagnandi, enda um að ræða lúxusbíl sem er ríkulega hlaðinn staðalbúnaði og skartar hæstu einkunn í evrópskum öryggisprófunum.

Chevrolet Malibu er frumsýndur hjá Bílabúð Benna laugardaginn 16. júní.