Tivoli XLV frumsýndur á laugardag

skrifað fimmtudagur, 5. janúar, 2017
Tivoli XLV er nýjasti meðlimurinn í SsangYong fjölskyldunniTivoli XLV er nýjasti meðlimurinn í SsangYong fjölskyldunni

Undanfarin ár hefur framleiðslan frá SsangYong, Tivoli, Korando og Rexton, notið vaxandi velgengni í kröfuhörðum flokki jeppa og sportjeppa.

Nýlega gerðu SsangYong verksmiðjurnar opinberar sölutölur sínar fyrir árið 2016, sem sýna að söluaukningin hefur slegið öll met og nemur tæpum 8% frá fyrra ári.

Að sögn Benedikts Eyjólfssonar hjá Bílabúð Benna, umboðsaðila SsangYong á Íslandi, hafa SsangYong jeppar og jepplingar komið sífellt sterkari inn hjá íslenskum bílakaupendum. „Nýjasti smellurinn frá þeim, sportjeppinn Tivoli, var kynntur til sögunnar hjá okkur á síðasta ári og vaxandi velgengni SsangYong á alþjóðavísu má m.a. merkja á að hann tryggði sér sæti á lista yfir bíla sem tilnefndir voru til nafnbótarinnar Bíll ársins 2017.

Nýjasta útspilið frá SsangYong heitir Tivoli XLV og við erum gríðarlega ánægð með hann. Hann sver sig í ættina og er virkilega vel útilátinn, extra langur og einstaklega fjölhæfur. Við fullyrðum hiklaust að hann sé með staðalbúnað sem er aðeins fáanlegur í mun dýrari sportjeppum,“ segir Benedikt.

Tivoli XLV verður frumsýndur núna á laugardaginn 7. janúar, á þremur stöðum, hjá Bílabúð Benna í Tangarhöfðanum, hjá Bílaríki Akureyri og hjá Bílabúð Benna á Njarðarbraut í Reykjanesbæ.

Opið verður á milli kl. 12 og 16 á laugardeginum og allir eru hjartanlega velkomnir.

Skoðaðu SsangYong Tivoli XLV hér